runningsyd

哩次金像奖嘅影后令我惊讶。之后系惊喜。因为之前嘅我未体过个部戏。

许鞍华嘅旧作《女人四十》令我印象深刻。个部《天水围的日与夜》不由引起我好奇。但系一体女主角系鲍姐，我唸哩次应该系许鞍华擅长嘅女人题材，平民角度。我知梗系一部好戏。但我仲系有D怕体，因为我惊会沉重。

点知。哩次搞温情。平淡地渲染贵姐同家安两母子相依为命的平常生活。無剧情。無跌宕。尽系有生活。

剧中的贵姐系一个用佢自己母亲嘅话黎形容，“尽系得个【做】字”。供完细佬读大学，再供细细佬读。靠住一份工厂女工嘅薪粮。中年死咗老公，自己养大个仔，到依家，都只系一个超市员。人生捏，一望到底。日子，系日日甘过。好在戏里面个仔家安系生性听教听话嘅后生。同贵姐一样。话唔多，安静得好似唔咩唸法。佢哋嘅生活，就系我哋嘅生活，早餐，买报，到OK买仲有纸巾送添。后来，遇到个同住一个单元嘅阿婆，阿婆唔知几多岁总之老到够搭巴士唔使俾钱个种。阿婆系独居，死咗老公仲死咗个女。阿婆嘅生活就更加单调寂寞。SO，佢去超市搵工，遇到贵姐。贵姐嘅热心，质朴慢慢使本来好COOL嘅阿婆当佢系自己人。

我讲到哩度，都仲系似流水账甘。我惟有帮自己解脱，哩D唔就系人生咯。